Patawad
Patawad sa mga pagkakataong ako'y nawala,
Inuna ang sarili nung ako'y iyong binalewala.
Patawad kung nauna akong sumuko,
Di ko na alam kung san pa 'to tutungo.
Patawad kung di ko na kinaya ang sakit,
Puso kong pagod na sa iyong pananakit.
Patawad kung di ko na natupad ang dati nating pangako,
Pagod na ang utak ko sa kakatanong
kung mahal mo pa ba ako?
Patawad kung kusa na akong aalis,
Mas pipiliin kong masaktan ng labis-labis.
Patawad kung ako'y magiging makasarili sa iyong paningin,
Mas pipiliin kong ika'y palayain dahil alam kong puso mo'y may iba ng umaangkin.
--Seapoetica
0 comments
♡Please free to express your thoughts my love tides with kind words.♡